24 мар 08:11
Янгиликлар

Футбол

Расман: Англия Суперкубоги "Уэмбли"дан кўчирилди! Сабаб — концерт!

Англия Суперкубоги учрашуви кутилмаганда бошқа стадионда ўтказиладиган бўлди.

Бунга канадалик машҳур хонанда The Weeknd'нинг "Уэмбли"даги концертлари сабаб бўлган.

Англия футбол ассоциациясининг маълум қилишича, 15-16 август кунлари Лондондаги бош арена банд бўлгани сабабли, АПЛ чемпиони ва Англия Кубоги соҳиби ўртасидаги баҳс Кардиффга кўчирилди. Учрашув 16 август куни Уэльсдаги "Миллениум" стадионида (сиғими 74 500 томошабин) бўлиб ўтади.

Маълумот учун, Англия Суперкубоги охирги марта 2022 йилда "Уэмбли"дан ташқарида — Лестердаги "Кинг Пауэр Стэдиум"да ўтказилган эди.