Расман! Аралаш яккакураш устамиз Bellator лигаси билан шартнома имзолади, у Усман Нурмагомедов билан бир оқшомда жанг қилади

Аҳтамов мазкур лига билан 4 та жанг учун шартнома имзолагани маълум бўлди.

31 ёшли ҳамюртимиз Bellator'даги илк жангини 25 январь куни Дубайда (БАА) ташкил этиладиган Bellator Champions Series турнири доирасида ўтказади.

Ҳозирча Аҳтамовга мусобақада ким рақиб бўлиши маълум эмас.

Мусобақанинг марказий жанги енгил вазнда россиялик Bellator чемпиони Усман Нурмагомедов ва ирландиялик Пол Хьюз ўртасида кечади.

Маълумот ўрнида, Мирафзал Аҳтамов ҳозирга қадар фаолияти давомида 8 та жанг ўтказиб, 7 та ғалаба ва 1 та дуранг қайд этган.