19 авг 16:43
Янгиликлар
Футбол
Расман: Диёр Имомхўжаев яна 4 йил ПФЛни бошқаради
17 август куни Ассоциация президенти Баҳодир Қурбонов томонидан имзоланган тақдимнома Лига Ижроия қўмитасига юборилгани ва унда Лига бош директори лавозими учун Диёр Имомхўжаев номзоди илгари сурилгани хабар қилинганди.
Бугун — 19 август куни Лига Ижроия қўмитасининг 8 нафар аъзоси мазкур масалани кўриб чиқди. Йиғилишда барча аъзолар иштирок этган бўлиб, улар орасидан Одил Аҳмедов ҳамда Алишер Юсупов Куала Лумпурдан, шунингдек, Элбек Саматов Андижондан, яъни, масофадан туриб Лига бош директорлиги учун ўз овозларини тақдим этишди.
Йиғилиш якунига кўра, Ижроия қўмитанинг барча аъзоси бир овоздан Диёр Имомхўжаев номзодини навбатдаги ваколат муддатига бош директор сифатида тасдиқлади. Шундан келиб чиқиб, ташкилотнинг амалдаги раҳбари 2026-йилнинг 19 август санасидан эътиборан кейинги тўрт йил давомида ўз вазифасини бажаришда давом этадиган бўлди.
Ҳавола :
Манба : UzPFL
Фикрлар