Расман! Икрам Алискеров ва Саид Нурмагомедовнинг жанглари тасдиқланди

Икрам Алискеров ва Саид Нурмагомедов 1 февраль куни Саудия Арабистони пойтахти Ар-Риёд шаҳрида ўтказиладиган UFC Fight Night 250 турнирида ўзларининг навбатдаги жангларида октагонга чиқишади. Икрамнинг рақиби Андре Муниз бўлса, Саид Винисиус де Оливейра билан ҳисоб-китоб қилади.

Эслатиб ўтамиз, 22 июнь куни ўтказилган UFC on ABC 6 турнирида Икрам Алискеров ўрта вазнда собиқ UFC чемпиони австралиялик Роберт Уиттакерга биринчи раунднинг ўзида нокаут эвазига ютқазганди. Ўшанда Алискеров Хамзат Чимаевнинг ўрнига бир ҳафталик муддатда жангга тайёргарликсиз рози бўлганди.

Ўз ўрнида Саид Нурмагомедов ўзининг сўнгги жангини 2023 йилнинг 21 октябрь куни UFC 294 турнири доирасида тожикистонлик Муин Гафуровга қарши ўтказиб, биринчи раундда рақибини бўғиш усули билан таслим этган эди.