22 сен 00:36
Янгиликлар
Расман: Исроил Мадримов Головкин билан битта бокс оқшомида рингга чиқади, рақиб ҳам маълум!
Чарм қўлқоп устамиз 5 октябрь куни АҚШнинг Нью-Йорк шаҳридаги муҳташам Madison Square Garden аренасида бўлиб ўтадиган бокс оқшомида рингга чиқади. Бўлажак жангда ҳамюртимизга мексикалик Алехандро Баррера рақиблик қилди.
Оқшомнинг марказий жанги ярим ўрта вазн тоифасда собиқ жаҳон чемпиони қозоғистонлик Геннадий Головкин ҳамда украиналик Сергей Деревьянченко ўртасида бўлиб ўтади. Ушбу жангда ўртага вакант бўлиб турган IВF чемпионлик камари қўйилади.
Маълумот учун, WBA Intercontinental чемпионлик камари соҳиби бўлиб турган Исроил Мадримов шу кунгача ўтказган уччала жангини ҳам муддатидан аввал якунлаган. 34 ёшли тажрибали Баррера эса 34 та жангда рингга кўтарилган. Ҳисобида 29 та ғалаба (18 та нокаут) ва 5 та мағлубият (1 та нокаут) бор.
Фикрлар
Qisqasi 2-nokautli mag'lubiyatini aynan Isroildan qabul qilib olsa hech ham ajablanmaymiz!