19 янв 10:01
Янгиликлар

Бокс/ММА

Расман. Жастин Гэтжининг навбатдаги рақиби ва жанг санаси эълон қилинди

36 ёшли америкалик аралаш якка кураш устаси, енгил вазнда UFC Interim собиқ чемпиони Жастин Гэтжининг кейинги жанги бўйича тафсилотлар расман маълум қилинди.

У 9 март куни Лас-Вегасда (АҚШ) ўтказиладиган UFC 313 турнири доирасида Янги Зеландия вакили Дэн Хукерга қарши октагонга кўтарилади.

Жанг 3 раунд этиб белгиланган.

Маълумот учун, Гэтжи фаолияти давомида 30 та жанг ўтказиб, 25 ғалаба ва 5 мағлубият қайд этган. BMF собиқ чемпиони сўнгги жангини 2024 йил апрель ойида Макс Холлоуэйга қарши ўтказиб, мағлуб бўлганди. 34 яшар Дэн Хукернинг ҳисобида эса 24 ғалаба ва 12 мағлубият бор. Хукер ўтган йилнинг август ойида ўтказган ўзининг охирги жангида Матеуш Гамротдан устун келганди.

Аввалроқ, мусобақанинг марказий жанги ярим оғир вазн чемпиони Алекс Перейра ва россиялик даъвогар Магомед Анкалаев ўртасида кечиши ҳақида хабар бергандик.