12 дек 21:48
Янгиликлар

Бокс/ММА

Расман. Қудратилло Абдуқаҳҳоров 15 декабрь куни Мексикада жанг қилади, рақиб маълум

Супер ярим ўрта вазн тоифасида жанг ўтказувчи ўзбекистонлик профессионал боксчи Қудратилло Абдуқаҳҳоровнинг навбатдаги жанги эълон қилинди.

31 ёшли чарм-қўлқоп устаси 15 декабрь тонгида Мексиканинг Тихуана шаҳрида ўтказиладиган профессионал бокс оқшоми доирасида рингга кўтарилади.

Абдуқаҳҳоровга ўша куни мексикалик тажрибали Хорхе Гарсия Перес рақиблик қилади. Жанг оқшомнинг иккинчи асосий беллашуви (co main event) бўлади.

Тихуанадаги бокс оқшомининг марказий жанги мексикалик Хайме Мунгия ва Франция вакили Бруно Сюрейс ўртасида кечади.

Маълумот ўрнида, Қудратилло Абдуқаҳҳоров (20-3-0) сўнгги жангини май ойида грециялик Андреас Катзуракисга қарши ўтказиб, очколар ҳисобига кўра мағлуб бўлганди. 27 ёшли Гарсия Перес фаолияти давомида 35 та жанг ўтказиб, 31 та ғалаба, 4 та мағлубият қайд этган.