Расман! Рақамланган UFC 334 ва UFC 335 турнирлари тасдиқланди

14 ноябрь куни Нью-Йоркдаги "Медисон Сквер Гарден" аренасида UFC 334, 12 декабрь куни эса Лас-Вегасдаги "Ти-Мобайл" аренада UFC 335 турнири бўлиб ўтади. 

Бўлажак рақамли турнирларнинг жанглари ҳали расман эълон қилинмаган, бироқ асосий воқеалар сифатида Кайла Харрисон ва Аманда Нунес ўртасидаги аёллар ўртасида енгил вазн тоифасидаги чемпионлик жанги, Том Аспиналл ва Сирил Ган ўртасидаги оғир вазн бирлаштирувчи чемпионлик жанги, Шон Стрикленд ва Хамзат Чимаев ўртасида ўрта вазн тоифасидаги чемпионлик реванш жанги бўлиши мумкин. 

Бундан ташқари, UFC`нинг амалдаги енгил вазн тоифаси чемпиони Жастин Гэтжининг ҳам октагонга қайтиши ва ярим оғир вазн тоифасида вақтинчалик чемпионлик учун жанг ўтказилиши ҳам истисно қилинмайди.

Маълумот учун, UFC 333 турнири эса 24 октябрь куни БАА пойтахти Абу-Даби шаҳридаги "Этихад Арена"да ўтказилади ва оқшомнинг аҳамияти жиҳатидан учинчи жангида ҳамюртимиз Рамазон Темиров англиялик Лоне Каванага қарши октагонга чиқади.