Расман: Санчес "Интер" билан 2023 йилга қадар мўлжалланган шартнома имзолади

Итальян клуби матбуот хизматининг хабарига кўра, 31 ёшли чилилик футболчи 2023 йилнинг 30 июнига қадар мўлжалланган шартнома имзолади. "Интер" ушбу битим мутлақо текинга амалга оширилганини билдирмоқда.

Олдинроқ, Санчес "Манчестер Юнайтед" таркибида тўп тепган ва 2019/20 йилги мавсумда "Интер" либосида ижара асосида ўйнаган эди. Алексис "Интер"да йилига 7 миллион евро ишлаб топади. 

Маълумот учун, футболчи Милан жамоаси сафида А Серия доирасидаги 22 та ўйинда майдонга тушиб, 4 та гол ва 9 та ассист қайд этди.