Расман! Стерлинг - Шон О’Мэлли жанги ҳам тасдиқланди + ПОСТЕР

У дивизион рейтингида иккинчи ўринни эгаллаб турган Шон О’Мэллига қарши октагонга кўтарилади. Бу ҳақда ташкилот президенти Дана Уайт UFC промоушенининг ижтимоий тармоқдаги расмий саҳифаларида амалга оширилган жонли эфир вақтида эълон қилди. 

Маълумот учун, Алжамейн Стерлинг сўнгги жангида икки вазнда собиқ UFC чемпиони Генри Сехудони очколар ҳисобига кўра мағлубиятга учратиб, камарини ҳимоя қилганди. Жанг якунланиши билан Стерлинг кейинги жангини О’Мэллига қарши ўтказиш истагида эканини маълум қилди. Октагонда уларнинг кўз уриштириш маросими ҳам ўтказилди. Ўз ўрнида Шон О’Мэлли сўнгги жангининг ўтган йилнинг октябрь ойида Петр Янга қарши ўтказиб, очколар ҳисобига кўра зафар қучган эди.