08 мар 10:52
Янгиликлар

Бокс/ММА

Расман. UFC Чарльз Оливейра - Бенеил Дариуш жангини тасдиқлади + ПОСТЕР

UFC промоушени томонидан енгил дивизионнинг собиқ чемпиони Чарльз Оливейра ҳамда америкалик Бенеил Дариуш ўртасидаги жанг расман тасдиқланди.

Ушбу қизиқарли жанг 7 май куни АҚШнинг Невада штати Лас-Вегас шаҳрида ташкил этиладиган UFC 288 турнири доирасида бўлиб ўтади. Чарльз Оливейра ўтган йилнинг 22 октябрь куни Абу-Дабида ўтказилган UFC 280 турнирининг марказий жангида Ислам Махачевга ютқазиб қўйганди. Бразилиялик жангчи ҳисобида 33 ғалаба ва 9 мағлубият бор.

Бенеил Дариуш эса 8 та жангдан иборат ғалабали серия билан бормоқда. У ҳам охирги жангини UFC 280 турнири доирасида ўтказиб, Матеуш Гамротни очколар ҳисобига кўра мағлубиятга учратган эди. Дариуш ММАда 22 ғалаба, 4 мағлубият ва 1 та дуранг қайд этган.