13 фев 12:39
Янгиликлар

Бокс/ММА

Расман! UFC Ислам Махачев жангини тасдиқлади

Енгил вазн тоифасида россиялик UFC жангчиси Ислам Махачевнинг навбатдаги рақиби, жанг санаси ва манзили тасдиқланди.

Хабиб Нурмагомедовнинг издоши сифатида қаралаётган Ислам 6 март (Тошкентда 7 март тонги) куни АҚШнинг Невада штати Лас-Вегас шаҳрида Дрю Доберга қарши октагонга кўтарилади.

Эътиборга молик жиҳати, Ислам октагонга чиқадиган турнир доирасида бир йўла учта чемпионлик жанги ўтказилади. Марказий жангда ярим оғир вазн тоифаси чемпиони Ян Блахович ўрта вазн чемпиони Исраэль Адесанья билан бирлаштирувчи чемпионлик жангида тўқнаш келади.

Андеркард жангда енгил вазн тоифаси чемпиони, россиялик Пётр Ян америкалик расмий даъвогар Алжэмейн Стерлингга, аёллар ўртасида икки вазн UFC чемпиони Аманда Нуньес эса Меган Андерсонга қарши октагонга кўтарилади.

Эслатиб ўтамиз, Ислам Махачев сўнгги бор 2019 йилнинг сентябрь ойида жанг ўтказган бўлиб, ўшанда Дэви Рамосни мағлубиятга учратган эди.