07 дек 09:40
Янгиликлар

Бокс/ММА

Расман. Усик - Бриедис жанги Ригада ўтказилади

Бутунжаҳон бокс суперсериясининг ярим финалидан ўрин олган учрашув Латвия пойтахти Рига шаҳрида ўтказилиши маълум қилинди.

Унда WBO йўналиши чемпионги украиналик Александр Усик (13-0-0, 11 КО) WBC чемпионлик камари соҳиби латвиялик Майрис Бриедисга (24-0-0, 18 КО) қарши рингга кўтарилади. Ушбу жанг 27 январь куни Рига шаҳрида бўлиб ўтади.

Аввалроқ ярим финал жанги мезбонлигига Чикаго ва Киев шаҳарлари даъвогарлик қилаётган эди. Суперсериянинг иккинчи ярим финал учрашуви эса 3 февраль куни Сочи шаҳрида россиялик Марат Гассиев ҳамда германиялик Юниер Дортикос ўртасида ўтказилади.