21 июл 11:46
Янгиликлар

Бокс/ММА

Расман. Хабиб - Гэтжи жанги сентябрда ўтказилмайди

Енгил вазнда UFC чемпиони Хабиб Нурмагомедов ҳамда камар учун расмий даъвогар Жастин Гэтжи ўртасидаги жанг сентябрь ойида ўтказилмайди.

Бу маълумотни Хабибнинг менежери Ризван Магомедов тасдиқлади. Хабиб Нурмагомедов - Жастин Гэтжи чемпионлик жанги сентябрь ойида UFC 253 турнири доирасида ўтказилиши белгиланган эди.

"Хабиб сентябрь ойидаги турнирда аниқ иштирок этмайди", — дея Магомедовнинг сўзларини келтирмоқда ТАСС.

Эслатиб ўтамиз, 31 ёшли Нурмагомедов сўнгги бор 2019 йилнинг сентябрь ойида октагонга чиққан ва ўшанда Дастин Порьени мағлуб этган эди. Гэтжига қарши жангнинг кечроқ муддатга сурилишига отасининг ўлими сабаб бўлмоқда.