05 авг 18:08
Янгиликлар

Футбол

Расмий хабар: Ҳусниддин Алиқулов – "Ризеспор" аъзоси!

Туркиянинг "Ризеспор" клуби Ўзбекистон терма жамоаси ва "Насаф" ҳимоячиси Ҳусниддин Алиқулов трансферини эълон қилди.

24 ёшли футболчи "яшил-кўклар" билан "3+1" кўринишидаги шартнома тузди.

"Ҳусниддин Алиқуловга хуш келибсан деймиз ва омад тилаймиз", – дейилади Туркия клуби расмий хабарида.

Маълумот ўрнида, "Ризеспор" Ризе шаҳри жамоаси бўлиб, 2020/23 йилги мавсум Туркия Суперлигасида иштирок этади. Уй ўйинларини 15 минг томошабинга мўлжалланган Yeni Rize Şehir стадионида ўтказади.

Аввалроқ Алиқулов шартнома имзолаш учун Туркияга етиб борганини маълум қилган эдик. Ундан олдин эса сайтимиз орқали унинг легионерга айланаётгани ҳақида биринчилардан бўлиб хабар берган эдик.