09 фев 14:54
Янгиликлар

Дзюдо

Расулов ва Болтабоевда ғалаба, Йўлдошева ютқазиб қўйди

"Катта Дубулға" турнирида кураш кирган дзюдочиларимиздан яна уч нафари ўзларининг илк учрашувини ўтказди.

-78 кг вазндаги вакиламиз Нодира Йўлдошева биринчи давра беллашувида черногориялик Йована Пекович имкониятни бой бериб, мусобақа билан эрта хайрлашди.

-81 кг вазн тоифасида юртимиз шарафини ҳимоя қилаётган полвонларимиз эса чиройли ғалабага эришишди. Камолиддин Расулов тожикистонлик рақиби Акмал Муродовни, Шарофиддин Болтабоев эса мисрлик Абдулраҳмон Муҳаммаддан устун келди.

Энди Расулов учинчи даврада грузиялик Владимир Ахалкацига қарши татамига чиқса, Болтабоев нимчорак финал йўлланмасини учун франциялик Куэнтин Жуберга қарши баҳс олиб боради.