11 апр 13:29
Янгиликлар

Футбол

"Реал" дарвозабони Куртуа жароҳатдан кейин қачон сафга қайтиши маълум

"Реал"ининг жароҳатланган дарвозабони Тибо Куртуанинг тикланиши режадан олдинроқ кетмоқда, деб хабар беради The Athletic.

Бельгиялик голкипер 17 март куни ўнг сон мушакларида жароҳат олган эди. Дастлаб ўйинчи бир ярим ойга майдондан четда қолади, деб кутилганди. Бироқ манба маълумотларига кўра, дарвозабон апрель охиригача тузалиб чиқишни ва агар "Реал" Куртуасиз ҳам ярим финалга чиқса, Чемпионлар лигаси ярим финалида майдонга тушишни мақсад қилган.

"Реал" Чемпионлар лигаси 1/4 финалининг жавоб ўйинида 15 апрелда сафарда "Бавария" билан тўқнаш келади. Биринчи ўйинда "Реал" ўз майдонида 1:2 ҳисобида мағлуб бўлган эди. Куртуа жорий мавсумда Испания чемпионатида 28 та ўйин ўтказиб, 24 та гол ўтказиб юборган.