29 янв 17:44
Янгиликлар

Футбол

"Реал" Португалия терма жамоаси футболчисига қизиқмоқда

"Реал" майдон марказини кучайтириш имкониятларини ўрганмоқда.

COPE'нинг хабар беришича, ёзда "Реал" ярим ҳимояга Рубен Невешни олиб келиши мумкин.

Мадридликлар Невеш учун трансфер пули тўламайди. Португалиялик футболчининг "Ал Ҳилол" билан амалдаги шартномаси 2025/2026 йилги мавсум охиригача мўлжалланган. Март ойида 29 ёшга тўладиган Рубен Мадридга эркин агент сифатида кўчиб ўтиши мумкин.

Аввалроқ Европа майдонларида Рубен Невеш "Порту" ва "Вулверхэмптон" жамоалари шарафини ҳимоя қилган. У Португалия миллий терма жамоаси футболчиси ҳисобланади. Терма жамоа сафида Рубен 63 ўйинда қатнашиб, 1 та гол ва 5 та голли узатмага муаллифлик қилган.