Регби-7 бўйича эркаклар терма жамоамиз биринчи марта нуфузли турнирда қатнашди

"20-21 сентябрь кунлари Хитойнинг Ханчжоу шаҳрида регби-7 бўйича "Asia Rugby Emirates Sevens Series 2025" турнири ўтказилди. Аҳамиятлиси, Ўзбекистон эркаклар терма жамоаси мазкур таснифдаги турнирда илк бор қатнашди.

Қитъамизнинг энг кучли 12 жамоаси иштирок этган ушбу турнирда ҳамюртларимиз 2 та ғалаба ва 3 та мағлубият қайд этишди. Шу тариқа, йигитларимиз дебют турнирда тўққизинчи ўринни эгаллашди", дейилади хабарда.