Ретро. Артур Таймазовнинг Пекин-2008даги триумфидан ФОТОРЕПОРТАЖ

8-24 август кунлари оралиғида ўтказилган тўрт йилликнинг энг нуфузли мусобақасида сайёрамизнинг 204 давлатидан жами 11 099 атлет иштирок этган. Олимпия ўйинлари 28 спорт тури бўйича ўтказилиб, спортчилар 302 та медаллар жамланмаси учун кураш олиб боришган. 

Мустақил Ўзбекистон спорт делегацияси ўз тарихида тўртинчи бор сайёрамизнинг энг нуфузли мусобақасида иштирок этди. Эллик олти нафар атлетимиз 14 та спорт тури бўйича медаллар жамланмаси учун баҳсларга киришган. Якунда 1 та олтин, 2 та кумуш, 3 та бронза медали билан умумжамоа ҳисобида 40-ўринни банд этганмиз. 

Эркин курашчимиз Артур Таймазов иккинчи бор Олимпиада чемпионига айланган бўлса, яна бир эркин курашчимиз Сослан Тигиев (-74 кг) кумуш медалга сазовор бўлган. Спорт гимнастикачимиз Антон Фокин, дзюдочимиз Ришод Собиров ҳамда батутда сакраш баҳсларида иштирок этган Екатерина Хилько бронза медалини қўлга киритган эди. 

Тўғри, кейинчалик Артур Таймазовнинг қон таркибида тақиқланган модда борлиги сабаб унинг натижаси ҳамда Пекин-2008даги ягона олтин медалимиз бекор қилинганди. Аммо, биз ҳамон ўша ёрқин дамларни эслашда давом этамиз. 

Суратлар муаллифи - Анвар Илясов