16 мар 09:14
Янгиликлар
Бокс/ММА
Ричард Торрес иштирокидаги IBF Элиминатор жанги қолдирилди
The Ring нашрининг хабар беришича, Фрэнк Санчес ва Ричард Торрес ўртасидаги оғир вазн тоифасида IBF камари учун саралаш жанги бошқа муддатга қолдирилди.
Беллашув 28 март куни Лас-Вегасда бўлиб ўтиши керак эди.
Нашр хабарига кўра, жанг шу йилнинг май ойига кўчирилади. 33 ёшли кубалик Санчес тиззасидаги жарроҳлик амалиёти туфайли бир неча ҳафта давомида машғулотларда қатнаша олмайди.
IBF Элиминатор жанги ғолиби Александр Усик эгалик қилаётган чемпионлик камари учун мажбурий даъвогарга айланади.
Эслатиб ўтамиз, Ричард ҳаваскор боксда ҳамюртимиз Баҳодир Жалолов билан икки маротаба тўқнаш келиб, ҳар иккисида мағлубиятга учраган.
Ҳавола :
Манба : The Ring
Фикрлар