12 май 10:10
Янгиликлар

Теннис

Рим. Арина Соболенко 134-ракеткага ютқазиб қўйди

Дунёнинг иккинчи ракеткаси Арина Соболенко Римда давом этаётган WTA 1000 турниридаги илк учрашувидаёқ мағлубиятга учради.

Беларуслик теннис маликаси иккинчи даврада 2020 йилги Австралия Очиқ чемпионати ғолибаси, айни пайтда WTA рейтингида 134-поғонани эгаллаб турган америкалик София Кенинга 6/7(4), 2/6 ҳисобида имкониятни бой бериб қўйди.

Теннисчиларнинг ўзаро учинчи учрашувида Кенин илк ғалабасини тантана қилди - 1:2. Бир соату 39 дақиқа давом этган баҳсда Соболенко 3, Кенин 1 та эйс зарбасини амалга оширган. Энди София украиналик Ангелина Калининага қарши кортга чиқади.