14 май 08:53
Янгиликлар

Теннис

Рим "Мастерс". Амалдаги чемпион иродали ғалабага эришди

Италия пойтахти Рим шаҳрида теннис бўйича "Мастерс" сериясига кирувчи нуфузли турнир давом этмоқда.

Дунёнинг тўртинчи ракеткаси Даниил Медведевушбу мусобақанинг тўртинчи давра иштирокчига айланди. Россиялик теннисчи учинчи босқичда ATP рейтингида 121-поғонада бораётган сербиялик Хамад Межедовичга қарши кортга чиқди ва иродали ғалабага эришди - 7/6(5), 2/6, 7/5.

Бу теннисчиларнинг ўзаро ўтказган илк учрашуви эди. Икки соату 53 дақиқалик баҳсда Медведев 7, Межедович 2 та эйс зарбасини ижро этган. Қўшхатолар Даниилда 10, Хамадда 3 тани ташкил қилди. Россиялик 4, сербиялик эса 5 та брейкни амалга оширган. Энди амалдаги чемпион тўртинчи даврада америкалик Томми Полга қарши кортга чиқади.