12 май 11:29
Янгиликлар

Теннис

Рим "Мастерс". Амалдаги чемпион қийин ғалаба билан бошлади

Италиянинг Рим шаҳрида ўтказилаётган "Мастерс" сериясига кирувчи турнирнинг амалдаги ғолиби Даниил Медведев чемпионлик ҳимоясини бошлади.

Дунёнинг тўртинчи ракеткаси иккинчи даврадан баҳсларга қўшилди. Россиялик теннисчи ATP рейтингида 40-поғонада бораётган британиялик Жек Дрэйперни бироз қийинчилик билан мағлубиятга учратди - 7/5, 6/4.

Бу теннисчиларнинг ўзаро ўтказган илк учрашуви эди. Бир соату 46 дақиқа давом этган баҳсда Медведев 3, Дрэйпер 2 та эйс зарбасини амалга оширган. Қўшхатолар бунинг акси бўлса - 2 га 3, Жек "фойдасига". Даниил 5, Дрэйпер 3 та брейкка эришган.

Энди Даниил Медведев Internazionali BNL d'Italia турнирининг учинчи босқичида Хамад Межедовичга қарши кортга чиқади. Сербиялик теннисчи иккинчи даврада испаниялик Алехандро Давидович-Фокинани 7/6(4), 6/4 ҳисобида таслим этди.