Рим "Мастерс". Каспер Рууд рақибига 4 та гейм берди

Норвегиялик теннисчи 62 дақиқа давом этган иккинчи давра баҳсида ATP рейтингида 89-поғонада бораётган франциялик Артур Риндеркнехни 6/4, 6/0 ҳисобида мағлубиятга учратди. 

Теннисчиларнинг ўзаро учрашувларидаги ҳисоб 2:0 кўринишига келди. Рууд 1 та, Риндеркнех 2 та эйс зарбасини амалга оширган. Энди Каспер Александр Бубликка қарши кортга чиқади. Қозоғистонлик теннисчи иккинчи даврада америкалик Бен Шелтондан устун келди - 6/4, 1/6, 6/2.