16 май 09:43
Янгиликлар

Теннис

Дунёнинг биринчи ракеткаси Рим "Мастерс" 1/2 финалида

Италия пойтахти Рим шаҳрида ўтказилаётган "Мастерс" сериясига кирувчи турнирда ярим финалчилар аниқланди.

Дунёнинг биринчи ракеткаси Янник Синнер 1/4 финалда ATP рейтингида 7-ўринни эгаллаб турган норвегиялик Каспер Руудни сочиб ташлади - 6/0, 6/1. Италиялик теннисчи ўзаро тўртинчи учрашувда ҳам Рууддан устун келди.

Олтмиш тўрт дақиқа давом этган баҳсда иккала теннисчи ҳам биттадан эйс зарбасини амалга оширган. Брейклар бўйича тўлиқ устунлик табиийки, Синнер томонида бўлди - 6 га 0. Янникнинг мағлубиятсиз серияси 25 та учрашувга етди. У бу йилги мавсумда ҳали ютқазмади.