Рио-де-Жанейро "Формула-1" трассасини қуриш режасини бекор қилди

Шаҳарда Камброата ўрмон зонаси атрофида "Формула-1" трассасини барпо этиш ҳақида 2019 йилда илк маротаба Бразилия президенти Жаир Болсонару гапирганди. 

Рио шаҳри котибияти вакили яқинда ушбу қурилиш бошланмаслиги ҳақида хабар қилди. 

Маълумот учун, Бразилия Гран-Приси "Формула-1" тақвимида 1972 йилдан буён мавжуд. У 10 маротаба "Жакарепагуа" трассасида ўтказилган. 1990 йилдан бери пойга Сан-Паулудаги "Интерлагос" трассасида ўтказилади. 2020 йилги пойга пандемия сабаб бекор қилинганди.