Ришод Собировдан кейин энди Зантарая ҳам ўз мактабини очади

Собировнинг спортчилик фаолиятидаги азалий рақиби, украиналик Георгий Зантарая ҳам Ришодга ҳавас қилган ҳолда ўз мактабини очишга қарор қилди. 5 сентябрь куни Киев шаҳрида ушбу дзюдо мактабининг тантанали очилиш маросими бўлиб ўтади. 

"Бу мактабда мамлакатимизнинг энг моҳир дзюдочилари тарбия топишини истайман. Уларга тажрибали мураббийлар дзюдо сир-асрорларини ўргатишади. Мамлакат спорти тараққиёти учун хисса қўшиш имконияти юзага келганидан жуда хурсандман", - деди Зантарая. 

Маълумот учун, Георгий Зантарая жаҳон ва Европа чемпиони, Минскда ўтган Европа ўйинлари ғолиби ҳисобланади.