27 авг 17:30
Янгиликлар

Теннис

Рожер Федерер ёзни қандай ўтказганини кўрсатди + ФОТО

«Катта Дубулға» туркумига кирувчи турнирларнинг 20 карра чемпион, жаҳоннинг собиқ биринчи ракеткаси Рожер Федерер ижтимоий тармоқдаги саҳифасига янги суратларни жойлаштирди.

41 ёшли Федерер суратларга «қуёш», «югуриш» ва «кўзойнакли табассум» эмоцияларини қўшиб, «Бу мароқли ёз бўлди», - дея изоҳ қолдирди.

«Уимблдон-2022» финалчиси, австралиялик теннисчи Ник Киргиос швейцарияликнинг постига муносабат билдирди. «Оилангиз билан вақт ўтказинг, маэстро», - деб ёзган Ник.

Эслатиб ўтамиз, жорий мавсумда Федерер тиззасидан операциядан қилинганидан сўнг мусобақада иштирок этмади. Рожер 2022 йилнинг сентябрида "Лэйвер Кубоги"да қатнашишни режалаштирмоқда. Шунингдек, швейцариялик теннисчи октябрь ойида Базелда (Швейцария) бўлиб ўтадиган АТР-500 турнирида иштирок этиши керак.