06 июн 10:44
Янгиликлар

Теннис

"Ролан Гаррос" финалини Испания Қироли, Майк Дуглас, Левандовски ва бошқа юлдузлар аренадан томоша қилишди + ФОТО

Грунт қироли Рафаэль Надаль ҳамда норвегиялик Каспер Рууд иштирокидаги "Ролан Гаррос" турнири финалини бевосита аренада машҳур инсонлар томоша қилишди.

Улар орасида Испания Қироли Филипп VI ҳам борлигини алоҳида таъкидлаш жоиз. Мамлакат раҳбари финал якунланганидан сўнг Надални "Ролан Гаррос" турниридаги 14-соврин билан табриклади. Бу эпизод камера объективларига тушиб қолган.

Шунингдек, Норвегия шаҳзодаси Хокон ҳам ватандоши Каспер Руудни қўллаб-қувватлаш мақсадида Парижга етиб келган. Актёрлар Майкл Дуглас ва Хью Грант, футболчилар Роберт Левандовски ҳамда Марко Верратти ҳам финални бевосита аренада кузатган.