"Ролан Гаррос". Новак Жоковичнинг юриши бошланди

Дунёнинг олтинчи ракеткаси Новак Жокович нуфузли мусобақадаги иштирокини ғалаба билан бошлаб олди. Сербиялик теннисчи илк даврада ATP рейтингида 98-поғонада бораётган америкалик Маккензи Макдональддан уч сетда ҳам бир хил ҳисобда устун келди - 6/3, 6/3, 6/3.

Бу теннисчиларнинг ўзаро ўтказган илк учрашуви эди. Икки дақиқаси кам икки соат давом этган баҳсда Жокович 7, Макдональд 6 та эйс зарбасини амалга оширган. Брейклар бўйича устунлик табиийки, ғолиб теннисчи томонида бўлди - 5 га 1. Энди ушбу мусобақанинг уч карра ғолии иккинчи даврада франциялик Корентен Мутега қарши кортга чиқади. Мезбон теннисчи ўз ўрнида ватандоши Клеман Табурни 6/3, 7/6(6), 6/3 ҳисобида мағлубиятга учратди.