"Ролан Гаррос". Рафаэль Надаль 4,5 соатлик учрашув ўтказди

Дунёнинг бешинчи ракеткаси Рафаэль Надаль Франция Очиқ чемпионатининг тўртинчи давра учрашувида рейтингда ўзидан 4 поғона пастда бораётган канадалик Феликс Ожега қарши кортга чиқди. Учрашув ғолиби 5 сетда аниқланди. 

Тўрт соату 21 дақиқа давом этган баҳсда испаниялик теннис юлдузи 3/6, 6/3, 6/2, 3/6, 6/3 ҳисобида ғалаба қозонди. Рафаэль 3 та эйс, 6 та брейк, 4 та қўшхато қайд этди. Феликс эса 7 та эйс, 4 та брейк-пойнтни амалга ошириб, 4 та қўшхатога йўл қўйди. Теннисчиларнинг ўзаро учрашувларидаги ҳисоб Надаль фойдасига бўлиб турибди - 2:0.

Шу тариқа, Рафаэль Надаль ўз фаолиятида 16-маротаба "Ролан Гаррос" турнирининг 1/4 финалига йўл олди. Бу натижаси эвазига у сербиялик Новак Жокович билан тенглашиб олди.