24 май 06:22
Янгиликлар

Теннис

"Ролан Гаррос". Рафаэль Надаль илк ўйинини ўтказди

Франция пойтахти Париж шаҳрида "Катта Дубулға" туркумига кирувчи "Ролан Гаррос" турнири давом этмоқда.

Дунёнинг бешинчи ракеткаси Рафаэль Надаль мусобақанинг илк даврасида кортга чиқди. Испаниялик теннис юлдузи ATP рейтингида 82-ўринни эгаллаб турган австралиялик Жордан Томпсонни уч сетда ҳам бир хил ҳисобда мағлубиятга учратди - 6/2, 6/2, 6/2.

Баҳс 2 соату 2 дақиқа давом этган. Бу вақт оралиғида Рафаэль 1 та эйс ва 7 та брейкни амалга оширди. Ўзининг тўп узатишларида қўшхатога йўл қўймади. Жордан эса 5 та эйс, 1 та брейк-пойнт ва 1 та қўшхато қайд этди.

"Катта Дубулға" турнирларининг 21 карра чемпиони Жордан билан ўзаро учрашувларда иккинчи ғалабасини тантана қилди - 2:0. Энди Надаль иккинчи босқичда франциялик Корентен Мутега қарши кортга чиқади.