"Ролан Гаррос". Синнер Андрей Рублёвни томошабинлар қаторига кузатиб қўйди

Италиялик теннисчи тўртинчи давра баҳсида ATP рейтингида 15-ўринни эгаллаб турган россиялик Андрей Рублёвга ортиқча қийинчиликсиз мағлубиятга учратди - 6/1, 6/3, 6/4. Янник теннисчиларнинг ўзаро учрашувларидаги ҳисобни ўз фойдасига йириклаштирди - 7:3.

Икки соату бир дақиқа давом этган баҳсда Синнер 5, Рублёв 7 та эйс зарбасини амалга оширган. Брейклар бўйича мутлақ устунлик табиийки, ғолиб теннисчи томонида - 5 га 0. Янник "Катта Дубулға" туркумига кирувчи турнирлардаги 72-ғалабасини қўлга киритди. Бу билан у ватандоши Фабио Фоньинини ортда (71) қолдириб, италиялик теннисчилар орасида рекордни янгилади. У ярим финал чиптаси учун қозоғистонлик Александр Бубликка қарши кортга чиқади.