04 окт 11:17
Янгиликлар

Теннис

Roland Garros. Жокович учинчи учрашувини ўтказди

Франция пойтахти Париж шаҳрида теннис бўйича "Катта Дубулға" туркумига кирувчи "Ролан Гаррос" турнири давом этмоқда.

Дунёнинг биринчи ракеткаси Новак Жокович мусобақанинг учинчи даврасида колумбиялик Даниэль Элахи Галанага қарши кортга чиқди ва 2 соату 7 дақиқа давом этган баҳс якунида осон ғалабага эришди - 6/0, 6/3, 6/2.

Сербиялик 33 ёшли Новак 2 та, рейтингнинг 153-поғонасидан жой олган 24 яшар Даниэль эса 4 та эйс зарбасини амалга оширди. Бу теннисчиларнинг ўзаро ўтказган илк учрашуви эди. Энди Жокович 1/8 финалда россиялик Карен Хачановга қарши кортга чиқади.