Роналду дубль қайд этиш бўйича Мессига яқинлашиб олди

Унинг голлари терма жамоасига Евро-2024 йўлланмасини муддатидан олдин қўлга киритишга ёрдам берди. Португалиялик футболчи учун ушбу учрашувдаги дубль фаолиятидаги 153-дубль бўлди. Бу кўрсаткич бўйича Криштиану Роналду ҳамон 156 дубль қайд этган Лионель Мессидан ортда қолмоқда. 

Эслатиб ўтамиз, Португалия ўз гуруҳида 7 та учрашувнинг барчасида ғалаба қозониб, Евро-2024 йўлланмасини муддатдан аввал қўлга киритди. Роналду эса Евро-2024 саралаш баҳсларининг тўпурарлар пойгасида 7 та гол билан Лукаку (9 та)дан сўнг иккинчи ўринда кетмоқда.