09 окт 12:26
Янгиликлар

Футбол

Роналду дунё тарихидаги биринчи миллиардер футболчига айланди

Саудия Арабистонининг “Ал-Насср” клуби португалиялик ҳужумчиси Криштиану Роналду миллиардерга айланган биринчи футболчи бўлди, деб хабар бермоқда Bloomberg.

40 ёшли португалнинг бойлиги 1,4 миллиард долларга баҳоланмоқда. У жамоаси билан тузган янги шартнома бўйича яна умумий ҳисобда 400 миллион доллар ишлаб олади.

Шу тариқа, Роналдунинг бойлиги илк бор индексга киритилди ва спорт оламининг энг даромадли футболчиси сифатида тан олинди.

Роналду футболдаги даромадидан ташқари, Nike, Armani ва Castrol каби катта компаниялар билан тузган шартномалари орқали ҳам яхшигина пул ишлаб олади. Шунингдек, у CR7 бренди орқали меҳмонхона, кийим-кечак ва яна бошқа бир нечта тармоқларга эгалик қилади.