20 дек 08:47
Янгиликлар
Футбол
Роналду Левандовскига етиб олди
“Ювентус” ҳужумчиси Криштиану Роналду 2020 календар йилида Европанинг топ-5 чемпионатларида тўпурарликни қўлга киритиш имкониятини сақлаб турибди.
Италия А сериясининг 13-турида “Парма”га (4:0) қарши беллашувда “дубл”га эришган Роналду 2020 йилда урилган голлари сонини 32 тага етказди ва ушбу кўрсаткич бўйича “Бавария” ҳужумчиси Роберт Левандовскига етиб олди. Аммо “Бавария” жорий йилда ўзининг сўнгги учрашувини ўтказиб бўлган бўлса, “Ювентус” 22 декабрь куни А серия доирасида “Фиорентина”га қарши майдонга чиқади.
Жорий мавсумда Роналду “Ювентус” сафида 13 та учрашувда майдонга тушиб, 16 та гол урди ва битта голли узатмани амалга оширди. Унинг “Бавария”даги ҳамкасби эса мюнхенликлар таркибида 18 та учрашувда 20 та гол уриб, 5 та голга ассистентлик қилди.
Ҳавола :
Манба : Squawka
Фикрлар