Роналдунинг фитнес-браслети унинг биологик ёши 29да эканини кўрсатди

40 ёшли "Ал-Наср" ҳужумчиси буни Whoop технология компаниясининг подкастида айтди, ушбу компания фитнес-трекерлар ва соғлиқни мониторинг қилиш қурилмаларига ихтисослашган.

Роналдунинг физиологик маълумотлари ўлчанди: юрак уриши тезлиги, юрак ритми ўзгариши ва бошқа кўплаб кўрсаткичлар, шунингдек, унинг юкланиши, тикланиши ва уйқуси ҳақида маълумотлар тақдим этилди.

"Ҳаммаси шунчалик яхши эканига ишонмайман... 28,9 ёш. Бу мен яна 10 йил футбол ўйнайман дегани", – деди Whoop амбассадори бўлган Криштиану Роналду.

Компаниянинг таъкидлашича, ушбу фитнес-браслет профессионал даражадаги технология бўлиб, 140 дан ортиқ кўрсаткични кузатиш имконини беради.