Россия бокс федерациясида терма жамоанинг ЖЧ-2023даги иштироки муҳокама қилинди

Россия терма жамоаси 1-14 май кунлари пойтахтимиз мезбонлигида ўтган жаҳон чемпионатида 2 та олтин, 4 та бронза медали билан умумжамоа ҳисобида учинчи ўринни эгаллади. 

"Биз 3 та олтин медаль қўлга киритилишини режалаштиргандик. Лекин озгина етмай қолди. Мусобақада рақобат кутилганидан ҳам кучли бўлди. Хулоса чиқарамиз ва ўсишда давом этамиз. Умумий олганда, терма жамоамизнинг жаҳон чемпионатидаги иштирокини қониқарли деб баҳоласа бўлади", – дея Кириенконинг сўзларини келтирмоқда ТАСС нашри.

Муслим Гаджимагомедов (-92 кг) ва Шарабутдин Атаев (-86 кг) олтин медални қўлга киритган бўлса, Имам Хатаев (-80 кг), Всеволод Шумков (-60 кг), Дмитрий Двали (-54 кг) ва Эдмонд Худоян (-48 кг) бронза медалига эга чиқди.   

Медаллар жамғариш бўйича Топ-5:

1. ЎЗБЕКИСТОН — 5-2-2;

2. Қозоғистон — 4-0-1;

3. Россия — 2-0-4;

4. Куба — 1-3-2;

5. Франция — 1-1-1.