Роучнинг “шпионлари” Уайлдер жангга тайёр эмас дейишяпти

Роучнинг сўзларига қараганда, унинг шогирди Деонтей Уайлдерга қарши кечадиган жангни муддатидан аввал якунлайди. 

“Тайсон ўз сўзлари билан Уайлдерни мувозанатдан чиқарди. Ўйлашимча, Уайлдер жанг бошлаши билан Фьюрига ташланади. Бу ҳолат эса бизнинг фойдамизга ишлайди. Қарши ҳужумда Тайсон жуда чаққон ва тез ҳаракат қилади. Ишончим комил, Фьюри Уайлдерни қарши ҳужумда ушлайди. Фақат ахмоқ инсонгина Тайсон Фьюрининг имкониятларига юқори баҳо бермайди.

Дарвоқе, сизларга яна бир маълумот етказиб қўймоқчиман. Мен таниган икки инсон Уайлдернинг машғулот лагерида ишлади. Уларнинг айтишича, Деонтей жангга тайёр эмас. Улар Фьюрини менсишмаяпти. Бу эса америкалик боксчига қимматга тушади”, - деди Роуч.