03 апр 17:57
Янгиликлар
Бокс/ММА
Рой Жонс Энтони Петтис билан реванш жанги ўтказмоқчи
Афсонавий боксчи Рой Жонс енгил вазн тоифасида собиқ UFC чемпиони Энтони Петтис билан реванш жангини ўтказиш истагида эканини айтди.
Кеча Gambred Boxing 4 турнирида Рой Жонс ва Энтони Петтис ўртасида жанг бўлиб ўтди. Бокс қоидалари асосида ўтган ушбу жанг саккиз раунд тўлиқ давом этди ва Петтиснинг ғалабаси билан якунланди.
"Менга рингга чиқиш ва мухлисларни хурсанд қилиш ёқади. Менимча, бу яхши жанг бўлди. Петтис ажойиб жанг қилди. Ўйлайманки, биз ажойиб реванш жанги ўтказишимиз мумкин. Мен энди кўргазмали жангларда қатнашмайман, фақат ҳақиқий жанглар ўтказаман", - деди Жонс жангдан кейин.
Рой Жонс профессионал фаолияти давомида 76 та жанг ўтказган. Уларнинг 66 тасида ғалаба қозонган ва 10 тасида мағлубиятга учраган.
Ҳавола :
Манба : championat.com
Фикрлар