Руслан Абдуллаев бўлажак жанги олдидан АҚШга йўл олди (ФОТО)

23 яшар чарм қўлқоп устаси 17 январь тонгида АҚШнинг Калифорния штати, Палм-Дезерт шаҳрида ташкил этиладиган Golden Boy проф бокс оқшомида жанг қилиши ҳақида хабар берилганди. Абдуллаевга ким рақиб бўлиши ҳамон номаълум.

Бугун Руслан жангига сўнгги тайёргарлик босқичини олиб бориш мақсадида Америка Қўшма Штатларига жўнаб кетди.

Руслан Абдуллаев 2023 йилда -63,5 кг вазн тоифасида жаҳон чемпионатининг олтин медалига сазовор бўлган. У профессионал рингдаги дебютини шу йилнинг март ойида ўтказиб, иккинчи раундда Хосе Алварадо (3-19-1, 2КО)ни нокаутга учратганди. Ушбу мағлубият Алварадо фаолиятидаги илк муддатидан олдинги мағлубият бўлган эди.

Юртдошимиз профессионал боксдаги иккинчи жангида Жино Родриго (13-4-2, 11КО)ни бир овоздан (барча ҳакамлик ёзувларида 80-71) мағлуб этган бўлса, учинчи жангида Кевин Жонсон (12-7, 8КО)дан ҳам ҳакамларнинг якдил қарори билан (80-72, 79-73, 79-73) устун келганди.