23 сен 18:47
Янгиликлар

Бокс/ММА

Руслан Абдуллаев ҳам Тошкентга қайтди (ФОТО)

Боксчимиз 21 сентябрь тонгида Калифорния штати, Индио шаҳридаги Fantasy Springs Resort Casino мажмуасида америкалик Кевин Жонсонга қарши рингга кўтарилганди.

Боксчимизни Тошкент халқаро аэропортида мураббий Тўлқин Қиличев ва проф боксчимиз Шаҳрам Ғиёсов кутиб олди. 23 яшар Руслан Абдуллаев бир неча ой давомида Америка Қўшма Штатларида бўлди.

У 21 сентябрь тонгида Калифорния штати, Индио шаҳридаги Fantasy Springs Resort Casino мажмуасида ўтказилган проф бокс оқшоми доирасида америкалик Кевин Жонсон билан жанг қилиб, очколар ҳисобига кўра ғалаба қозонганди.

Бу орқали ҳаваскор боксда Жаҳон ва Олимпиада чемпиони Абдуллаев проф фаолиятидаги учинчи жангидаги учинчи ғалабасини нишонлади. Ҳамюртимиз ҳозирда WBA Continental камарига эгалик қилмоқда.