Руслан Абдуллаев проф боксдаги тўртинчи жангини уругвайлик тажрибали боксчига қарши ўтказади (ФОТО)

Olamsport.com нашрига маълум бўлишича, мусобақада иштирок этадиган ҳамюртимиз Руслан Абдуллаевга турнир доирасида Уругвай вакили Эдуардо Хавьер Абреу рақиблик қилади.

Жанубий америкалик 37 яшар чарм қўлқоп устаси фаолияти давомида ҳозиргача 17 та жанг ўтказиб, 14 та ғалаба, 1 та мағлубият ва 2 та дуранг қайд этган.

Руслан Абдуллаев 2023 йилда -63,5 кг вазн тоифасида жаҳон чемпионатининг олтин медалига сазовор бўлган. У профессионал рингдаги дебютини шу йилнинг март ойида ўтказиб, иккинчи раундда Хосе Альварадо (3-19-1, 2КО)ни нокаутга учратганди. Ушбу мағлубият Альварадо фаолиятидаги илк муддатидан олдинги мағлубият бўлган эди.

Юртдошимиз профессионал боксдаги иккинчи жангида Жино Родриго (13-4-2, 11КО)ни бир овоздан (барча ҳакамлик ёзувларида 80-71) мағлуб этган бўлса, учинчи жангида Кевин Жонсон (12-7, 8КО)дан ҳам ҳакамларнинг якдил қарори билан (80-72, 79-73, 79-73) устун келганди.