Руслан Абдуллаев тажрибали Ованнес Бачковни мусобақадан чиқариб юборди ва жаҳон чемпионати финалига йўл олди!

Бугунги кун доирасида еттинчи ўзбек боксчиси рингга чиқди. -63,5 кг вазн тоифасидаги Руслан Абдуллаев финал йўлида арманистонлик тажрибали Ованнес Бачков рақиблик қилди. Жанг тўлиқ 3 раунд давом этди ва унда ҳакамларнинг якдил қарори билан 5:0 ҳисобида Руслан Абдуллаев вазннинг биринчи рақамли боксчиси устидан ғалаба қозонди. Таъкидлаш жоиз, жанг давомида ёш ҳамюртимиз рақибини нокдаун ҳолатига ҳам туширди. 

Ушбу жанг орқали Руслан Абдуллаев жаҳон чемпионати финалига йўл олган бўлса, Бачков жаҳон чемпионатининг бронза медали ҳамда пул мукофотини қўлга киритди.