Руслан Нурудинов декабрь ойидан машғулотларни бошлайди

Осиё оғир атлетика федерацияси вице-президенти, Ўзбекистон оғир атлетика федерацияси раисининг биринчи ўринбосари, Яккакурашлар бўйича Республика олий спорт маҳорати мактаби директори Шаҳрилло Маҳмудовнинг айтишича, Нуриддинов декабрь ойидан машғулотларни бошлайди. 

- Руслан режага кўра шу йилнинг декабрь ойидан машғулотларга расман киришади. Чунки келаси йили бизни Осиё ўйинлари ва Олимпия ўйинларига йўлланма берувчи қатор лицензион мусобақалар кутиб турибди. Руслан эса мазкур мусобақаларни асло ўтказиб юбора олмайди. 

Мен шуни ишонч билан айтишим мумкинки, тайёргарлик жараёнини кўнгилдагидек ташкил этсак, энг муҳими жароҳатлар атлетларимизни четлаб ўтса, Руслан Нурудинов худо ҳоҳласа Токиода яна олимп шоҳсупасига кўтарилади. Қандай медални қўлга киритишини аниқ айта олмайман. Лекин олтинми, кумушми, бронзами, лекин у шоҳсупада аниқ бўлади, - деди Маҳмудов.