12 фев 16:06
Янгиликлар
Теннис
Сабина Шарипова 1/2 финал чиптасини қўлга киритди
Қозоғистоннинг Чимкент шаҳрида теннис бўйича "Фьючерс" туркумига кирувчи турнир бўлиб ўтмоқда.
"W15 Shymkent" мусобақасида теннисчимиз Сабина Шарипова ҳам муваффақиятли иштирок этяпти. Мамлакатимизнинг биринчи рақамли теннис маликаси Чимкент турнирининг ҳам биринчи ракеткаси сифатида ҳаракат қилмоқда.
Бироз аввал юртдошимиз яккалик баҳсларининг чорак финал учрашувини якунлади. Ярим финал йўлланмаси учун кечган баҳсда Шарипова турнирнинг еттинчи ракеткаси, қозоғистонлик Жибек Куламбаевани 4/6, 6/1, 6/1 ҳисобларида таслим этди.
Маълумот учун, Сабина Шарипова WТА рейтингида 377, Куламбаева эса 630-ўринни эгаллаб турибди.
Ҳавола :
Манба : olamsport.com
Фикрлар