13 апр 15:53
Янгиликлар

Теннис

Сабина Шарипова Туркиядаги турнирда ярим финалга чиқди

Мамлакатимизнинг биринчи рақамли теннисчиси Сабина Шарипова Туркиянинг Истамбул шаҳрида ўтказилаётган турнирда муваффақиятли иштирок этяпти.

Мусобақанинг соврин жамғармаси 60 000 АҚШ долларини ташкил қилади. Ҳамюртимиз асосий тўрнинг дастлабки икки учрашувида ғалабага эришиб, чорак финалга йўл олганди.

Сабина чехиялик Петра Крейсовани 6:4, 6:2, словакиялик Кристина Кучовани 6:7(4), 6:2, 6:3 ҳисобида мағлуб этганди. Шарипова чорак финалда сербиялик Ольга Даниловични 7:6(5), 6:7(2), 6:3 ҳисобида енгди. Энди у финал чиптаси учун россиялик Ольга Дорошинага қарши кортга чиқади.