Сабр тугадими? АПЛ клуби раҳбарияти мураббийни ишдан бўшатмоқчи

BBC маълумотларига кўра, клуб ичида Дайчга нисбатан босим танқидий даражага етган. Манбалар мураббийни қатъий қўллаб-қувватлаш эндиликда у қадар мустаҳкам эмаслигини таъкидламоқда. Раҳбарият жамоанинг "Элланд Роуд"даги ўйинда таслим бўлганидан жуда норози.

Эслатиб ўтамиз, "Лидс" ва "Ноттингем" ўртасидаги баҳс "Форест" жамоаси учун фалокатли кечди: 86-дақиқага келиб, Богл, Окафор ва Калверт-Льюиннинг голларидан кейин ҳисоб 0:3 эди. Фақат учрашув охирида Лоренцо Лукканинг дебют голи жамоа учун тасалли бўлди.

Эслатиб ўтамиз, Шон Дайч "ўрмончилар"ни 2025 йилнинг октябрида Анге Постекоглудан кейин қабул қилиб олганди. Шу вақт ичида у жамоа билан 24 ўйин ўтказиб, 10 та ғалаба, 5 та дуранг ва 9 та мағлубият қайд этди.